Ka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 7 tarik u Risaw haka jingïakhun Semi Final ha madan Artificial Diengshynrum, Khliehriat.
Haba phai sha ka jingïakhun Semi Final ba ar hapdeng ka Rymbai Synrangshahkhaiñ SC pyrshah ïa ka Wahiajer Narpuh SSC kila poi sha ka jingïakhaid (0-0) khlem don kiba ïoh ban thep kol naduh ka kylla step haduh ka kylla miet bad haduh ba kut ka Extra Time jong ka jingialehkai.
Hadien kane na ka liang ki bor pynïaid kila pynïakhun noh da ka jingïashut Tie Breaker ha kaba ka kynhun jong ka Wahiajer Narpuh SSC kala jop da 3-2 kol ïa ka Rymbai Synrangshahkhaiñ SC.
Lyngba kane ka jingjop jong ka Wahiajer Narpuh SSC kala ïoh ban rung sha ka phainal jong kane ka lympung, da kaba ïoh ruh ban kiew sha ka kyrdan Super Division ha u snem ban wan.
