Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ ba la pynïaid da ka Thadlaskeiñ Sports Association (TSA) West Jaiñtia Hills kala long mynta ka sngi 9 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Jalapang SC kala pynliem da 6-0 kol ïaka Wahshangiar SC, ïaki kol naka Jalapang SC la thep da u Hopeful Shullai haka minit ba 2, u Kynmowanki Phawa haka minit ba 14, 46 & 69, u Marvel Kyndait haka minit ba 16 bad u Nangroi Laloo haka minit ba 79.
Haka jingïakhun kaba ar ka Nongkhroh Mawsiang kala jop da 5-2 kol ïaka Evergreen SC, ïa ki kol naka Nongkhroh Mawsiang la thep da u Rio Myrboh haka minit ba 10, u Deibanskhem Kharsati haka minit ba 14 & 74, u S. Kharsati haka minit ba 26 bad u Pynbiangmi Kharsati haka minit ba 63. Ïa ki ar kol naka Evergreen SC la thep da u Teddy Bang haka minit ba 16 bad u Riskhem Shylla haka minit ba 53.
La pyntip ba ka jingïakhun haka 1st Division lashai ka sngi 10 tarik haka por 12 baje shiteng nohphai sngi ka Ummulong SC pyrshah ïaka Namdong-B. Katba haka por 2 baje shiteng nohphai sngi ka Malngiang SC pyrshah ïaka Friends United.
