Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 10 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong hapdeng ka Ummulong bad ka Namdong-B kila ïakhaid da mar shikol 1-1, ïa ki kol na ka Ummulong SC la thep da u Lamphrang Dkhar haka minit ba 13, na ka liang ka Namdong-B la thep da u Dramos Phawa.
Haka jingïakhun kaba ar ka Friends United kala pynliem da 2-1 kol ïaka Malngiang SC, ïa kitei ki kol na ka Friends United la thep marwei da u Daochwa Dkhar haka minit ba 27 & 76 min. katba ïa ka shikol na ka Malngiang SC la thep da u Nibiang Phawa haka minit ba 47.
La pyntip ka jingïakhun haka 1st Division lashai ka sngi 11 tarik haka haka por 12 baje shiteng nohphai sngi ka Tyrchang SC pyrshah ïaka Lumsharatoh SC. Katba haka por 2 baje shiteng nohphai sngi ka Maya SC pyrshah ïaka Dongmihsngi SC.
