Ka kynhun ïalehkai jong ka Khliehmyntang Ialong kala long ka lahduh haka lympung ‘8th Debo Shullai Memorial Trophy 2nd Division Football 2025 bala pynïaid daka West Jaiñtia District Sports Association (WJDSA) ka la long haka sngi saitjaiñ 11 tarik u Risaw ha madan Kiang Nangbah Stadium Dongmihsngi, Jowai.
Haba phai sha ka jingïakhun phainal ka Khliehmyntang Ialong kala lah ban pynliem da 2-0 kol ïaka Lumpyrtuh Mihmyntdu, ka jingïakhun kala long kaba ïakhaid bha haka por jong ka kylla step bad dei haka kylla miet ka Khliehmyntang Ialong kala ïoh ban thep ïa ki kol lyngba u Bashanbor Pale haka minit ba 42 bad u Suni Rymbai haka minit ba 80+3.
Haduh ba kut jong ka jingïakhun kala neh da 2-0 kol wat na ka liang ka Lumpyrtuh Mihmyntdu kala pyrshang ban pynphai ïa kitei ki ar kol hynrei kam ïoh lad satia. Kumta ka kynhun Khliehmyntang Ialong kala long syndon ka lahduh mynta u snem.
Ha kane ka Tournament ïa ka nam Man of the Match la ïoh rah da u Suni Rymbai na ka Khliehmyntang Ialong, Best Goal Keeper da u Seibor Rymbai na ka Khliehmyntang Ialong, Top Scorer lai ngut kata u Arwanki Rymbai na ka Lumpyrtuh Mihmyntdu, u Bashanbor Pale na ka Khliehmyntang Ialong bad u Shemphang Phalangki na ka Iawmulong Nartiang kiba la ïoh ban thep mar 6 kol. Katba ïaka nam Player of the Tournament la ïoh da u Serene Dkhar na ka Lumpyrtuh Mihmyntdu.
