Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 14 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Evergreen SC kala pynliem da 10-0 kol ïaka Wahshangiar SC, ïa kitei ki kol na ka Evergreen SC la thep da u Teddyson Bang haka minit ba 32, 51, 61 & 78, u Riskhem Shylla haka minit ba 36, u Samlangwao Suna haka minit ba 49, 52 & 71 bad u Evan Ryngkhlem haka minit ba 56 & 77.
Haka jingïakhun kaba ar ka Nongkhroh Mawsiang kala pynliem da 2-1 kol ïaka Jalapang SC, ïa ki kol na ka Nongkhroh Mawsiang la thep da u Snowel Kharsati haka minit ba 4 bad u Pyndapbiang Myrboh haka minit ba 64. Katba ïa ka shikol naka Jalapang SC la thep da u Hopefull Shullai haka minit ba 17.
La pyntip lashai ka sngi 14 tarik kan dei ka jingïakhun Final jong ka kyrdan Joybell Suiam Memorial Trophy 2nd Division haka por 1 baje shiteng hapdeng ka Maia Club Umjalasiaw pyrshah ïaka Bamkamar SC.
