Ka Wahiajer Narpuh SSC kala long ka lahduh haka lympung ïalehkai phutbol jong ka kyrdan 1st Division League 2025 bala pynïaid daka East Jaiñtia Hills District Football Association (EJHDFA) kaba la long mynta ka sngi 14 tarik u Risaw ha madan Artificial Diengshynrum, Khliehriat.
Haba phai sha ka jingïakhun Final hapdeng ka Byndihati CSC bad ka Wahiajer Narpuh SSC kala long kaba ïakhaid bha ha kaba kiba ïoh ban thep mar shikol (1-1) haduh ba kut jong ka por ïakhun. Hadien kane na ka liang ki bor pynïaid kila pynïakhun noh da ka jingïashut Tie Breaker ban rai ïa ka kynhun lahduh.
Ha kane ka jingïashut Tie Breaker ka kynhun jong ka Wahiajer Narpuh SSC kala jop da 7-6 kol ïaka Byndihati CSC bad kala long syndon ka lahduh mynta u snem 2025
La sam ruh ïa ki khusnam sha ki nongjop jong kane ka lympung haka jingwan sakhi lang jong ki riewieit phutbol jong ka tnaiñ East Jaiñtia Hills District.
