Ka jingialehkai mynta ka sngi hapdeng ka Banan Sport Club pyrshah ia ka Tympang Sport Club jong ka 8th inter-dong bala pyniaid da ka Seng Samla Khlachympa Sports and Cultural Club Nongtalang haka por 2.30 baje nohphai sngi kala kut ha ka jingiakhaid 0-0 kol, wat la baroh Arliang ki team kila pyrshang ban thaw ki lad ki lynti ban ioh thep goal hynrei haduh bala kut ka por ymdon ba ioh ban thep goal.
Kumta ki hap ban iasam mar shi point, na kane ka jingioh shi point ka Banan SC kala kylla long ka team kaba khatduh ban ioh rung sha ka semi-final jong ka inter-dong mynta u snem. Ka Tympang Sport Club watla ka long ka team kaba khlaiñ bad bym shah rem tang shisien ruh, hynrei kala iakhaid baroh lai ki jingialehkai kala duh noh ban jam shaphrang namar kala ioh tang lai point.
Ia Ka Namtam (Man of the match) la ioh da u Dexter Phawa jong ka Tympang SC.
Ki kynhun kiba la poi sha ka semi-final ka Nongtalang Mission Youth Club ka ban sa iakhun pyrshah ia ka New Nonglamin SC bad ka Banan SC ka ban sa iakhun pyrshah ia ka Amlariang SC.
