Ka ophis u District Sports Officer (DSO) jong ka West Jaiñtia Hills District, Jowai mynta ka sngi Saitjaiñ 25 tarik u Risaw kala pynhap pyrda ïaka “Inter School Basketball Tournament 2025” bala pynlong ha Kiang Nangbah Stadium Dongmihsngi, Jowai.
Ha kane ka sngi pynkut la wan ban ïadonlang naduh u ma Lamphrang Pohktai uba dei u Divisional Soil & Water Conservation Officer, WJHD, u DSO ma K. Passah, ma Latu Nartiang, Branch Manager Meghalaya Co-operative Apex Bank Ummulong Branch, ma E.M.H Passah Working President ka WJDSA, u ma Damian S War, Waheh Shnong ka Namdong-B, ki nongkitkam ka WJDSA nalor kiwei de.
Haka jingïakhun phainal mynta ka sngi ha ka liang ki kynthei ka Tome Memorial Higher Secondary School, Jowai kala long syndon ka lahduh da kaba jop haduh 43:14 Point ïaka JNV School Mukhla,
Katba haka liang ki shynrang ka Thomas Jones Higher Secondary School kala jop da 44:28 Point ïa ka Tome Memorial Higher Secondary School, Jowai.
Ïa ki khusnam sha ki nongjop la sam da u kongsan jong kane ka sngi ha ryngkat kiwei de ki riew rangbah kiba la wan sakhi ïa kane ka lympung ‘Inter School Basketball Tournament 2025’.
