Ka Jylla Meghalaya ka la bteng ia ka jingpynkhreh na ka bynta ban iashim bynta ha ka Lympung National Games 2027 ia kaba yn pdiang (Host) da ka jylla Meghalaya ha une u snem ban wan ryngkat ka jingiasnoh kti lang bad katto katne ki jylla na ka thain Shatei Lam Mihngi (North East India).
Ka Jylla Meghalaya ka la pynkhreh pura na ka bynta katei ka lympung kaba heh tam ha ka ri ha kaba yn sa wan ban iashim bynta na baroh ki jylla na India. Ha kane ka kynti, ka Jylla ka khlem pynkhreh shuh tang ki jingialehkai ba la ju mlen ha kine ki khyndiat snem, hynrei la sdang ruh ban kilan met bad pyrshang da ka jingialehkai Lawn Bowls ia kaba la wan ban ai jinghikai da u Coach ba la paw uba la hikai ruh ia ki nongialehkai Lawn ha Malaysia, u Ramble Rice-Oxley.
Ka Sorkar jylla ryngkat ka Tnad Meghalaya Sports & Youth Affair ka la pynpaw ia ka jingkyrshan na ka bynta ki samla ialehkai ha kaba la ai mynsiem ia baroh ki samla ban iashim bynta ha ki jait jingialehkai bapher bapher kiba ym pat ju kham ialehkai teng wat ha ka Meghalaya Games.
Ha katei ka jingkilan met, la wan ban don ryngkat da u Bah Rikhel Swtt (General Secretary), Bah Thoibi Kharkongor (Vice President), Bah Rapborlang Lamin bad Bah Riewdondor Skhemiew (Dkhot).
