Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 30 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun Super Division ka Youth & Cultural Sohmynting kala pynliem da 2-1 kol ïaka 7-Wasa United. Ïa kitei ki kol na ka Youth & Cultural Sohmynting la thep da u Damang L Pyrtuh haka minit ba 39 bad u Kamwadamonmi Pamthied haka minit ba 66. Ïa ka shikol na ka 7-Wasa United la thep da u Jeff. K Rymbai ha ka minit ba 23.
Ha ka jingïakhun 1st Women League Football Tournament 2025 jong ka WJDSA kaba la long mynta hi ka sngi ka Catholic Youth kala jop da 1-0 kol ïa ka Sabahmuswang, ïa katei ka shikol na ka Catholic Youth la thep da ka Meriful Dkhar haka minit ba 40.
