Ka jingialehkai 8th inter-dong bala pyniaid da ka Seng Samla Khlachympa Sports and Cultural Club Nongtalang mynta ka sngi ka la poi sha ka Semi Final kaba nyngkong ha kaba ka jingiakhun ka la long hapdeng ka New Nonglamin Sport Club pyrshah ia ka Nongtalang Mission Youth Club jong ka haka por 2 baje nohphai sngi.
Ha ka jingiakhun ka New Nonglamin SC kala pynliem ia ka Nongtalang Mission Youth Club da 1-0 kol.
Haba phai sha ka jingialehkai mynta ka sngi ka long kaba pynhun bad itynnad shisha ia ki nongwan peit kai, hynrei da ka jingbakla bad ka jingbymlah tehlakam jong u nongap kol ia ka bol kumta kala lait na ki kti jong u bad da ka jingsted jong u rangialehkai ka New Nonglamin SC u Sagor Hajong u la ioh ban thep ia kane ka shi goal.
Ia ka namtam (Man of the match) la ioh da u Laiki Nonglamin jong ka New Nonglamin SC.
Na kane ka jingjop ka New Nonglamin SC kala ioh jaka syndon haka Final jong ka inter-dong mynta u snem bad kaba dei ruh ka sien ba nongkong ban poi ha ka Final.
Ka Semi-Final ba ar kan long hapdeng ka Banan SC pyrshah ia ka Amlariang SC ha ka 8 tarik mynta u bnai 2025 haka por 2 baje nohphai sngi.
