Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 5 tarik u Naiwieng, 2025 ha madan Artificial Turf, Diengshynrum, Khliehriat.
Ha ka jingïakhun ba nyngkong ka Rymbai Shkenshynriah SC kala jop da 3-1 kol ïaka Dhana CSC, ïa ki kol naka R.Shkenshynriah SC la thep da u Goldenson Japui haka minit ba 43 & 58 bad u Sumar Bareh haka minit ba 61. Ïa ka shikol na ka Dhana CSC la thep da u Rimonlang Sumer haka minit ba 67.
Katba ha ka jingïakhun kaba ar ka Sutnga SSCC kala jop da 4-1 kol ïaka Chiehruphi SYWSC, ïa ki kol naka Sutnga SSCC la thep da u Ker Syrti haka minit ba 13, u Sauni Phawa haka minit ba 14, u Niponghi Sumer haka minit ba 75 bad u Deligent Pdang haka minit ba 89. Katba ïa ka shikol na ka Chiehruphi SYWSC la thep da u Regency Lapasam haka minit ba 37.
La pyntip ba ka Rymbai Shkenshynriah SC kaba la jop lai sein bad ïakhaid tang shisien, katba ka Sutnga SSCC ka lah jop lai sein bad liem tang shisien.
