Ka Mawlai SC kaba dei kawei na ki Klob kaba la ioh bha ia ka jingkhmih lynti na kiba bun mynta ka samoi ban buh jaka ialade ha ka Final jong ka Lympung Super Cup 2025 ka la kut noh ha ka 8 Naiwieng 2025 ha kaba ka Shillong Lajong FC ka la pynliem noh ia ka Mawlai da 1-0 ha ka jingiakhun ba la pynlong ha Madan SSA Stadium Polo, Shillong.
Ka jingiakhun ka long kaba iakhaid bor hynrei ka jingioh kabu ka Lajong ban ioh ia ka 3 poin ka dei na ka jingbakla thep hi (own goal) u rangialehkai ka Mawlai sha Kol ha ka minit ba 27. Kumta lyngba katei ka kol, ka Lajong ka la pyneh triang haduh ba kut bad khlem ailad ia ka Mawlai ba kan ioh ban pynphai ia ka Kol haduh ba kut ka minit ialehkai.
Ka Rangdajied United FC kaba la pynliem ia ka Langsning SC kan aireng pyrshah ia ka Mawlai na ka bynta ban iaknieh ia ka nam Lahduh mynta ka samoi.
Ia ka khusnam Player of the Match ha ka jingiakhun jong kane sngi la ioh ban khur da u snar ap kol jong ka Lajong, u Wanteilang Malngiang.
