-Rs.1 Lak ioh rah ka Umran Diary haba pynliem ia ka Umran Niangbyrnai-
Ka jingialehkai phutbol kaba la tip kum ka Super Cup Football Tournament 2025, kaba la pyniaid da ka Umsning People Front (UPF) kaba la pynlong ha madan Umran Niangbyrnai Ri Bhoi District, kala poi sha kaba kut ha 22/11/2025.
Hakane ka tournament kila don haduh 32 tylli ki kynhun kiba wan ia shim bynta bad ha ka sngi pynkut ka jingialehkai ka long hapdeng ka Umran Niangbyrnai pyrshah iaka Umran Diary.
Hakane ka sngi la wan pynkut iaka UPF Super Cup Football Tournament da u Bah RB Shadap u ba dei u President jong ka RBDSA haka jing donlang u President ka UPF u Dr David Lyngdoh u Bah Sumarlang Swer u ba dei u Sports Secretary ka UPF u Bah Pateng Marsing u ba dei u President ka CORP lem bad kiwei kiwei.
Haba phai sha ka jingialehkai ka Umran Niangbyrnai kala iakhun pyrshah iaka Umran Diary bad baroh ar kynhun kila sei la buit la bor ban ioh pynkhih jar bad baroh ar kynhun kila ioh mar shikol haduh ka kylla miet. Kumta naka liang ki Refree ula pynlong noh daka jingiashut Tie breaker bad ka Umran diary kala jop pyrshah iaka Umran Niangbyrnai da 5 la 4 kol.
Naka liang ki nongialam ka UPF haka jingialam jong u Sumarlang Swer u ba dei u Sports Secretary ka UPF kila sam ruh daki khusnam shimet kaba kynthup kum ka Best Goalkeeper, Best Player bad ka Top Scores bad kynhun nongjop kala ioh iaka song pisa ka 1 Lak tyngka ryngkat bad ka Trophy bad ka kynhun kaba rem kala ioh iaka song pisa kaba 50 hajar tyngka.
