Ka lympung ïalehkai phutbol jong ka kyrdan ‘Super Division Football Tournament – 2025’ ïa kaba la tip kum ka “17 U Kiang Nangbah Memorial Trophy” bala pynïaid da ka West Jaiñtia District Sports Association, (WJDSA) Jowai kala long mynta ka sngi 26 tarik ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Mooknor Thadmuthlong kala lah ban pynliem da 1-0 kol ïaka Khimusniang, ïa katei ka shikol na ka Mooknor Thadmuthlong la thep da u Yolang Sana haka minit ba 11.
Na baroh ki jingïakhun bala dep ka Khimusniang kala shah rem dang mynta ka sngi haka jingïakhun jong kane ka kyrdan Super Division.
