Ka jingïalehkai Super Division jong ka Amlarem Football League 2025–26, kaba la pynlong da ka Amlarem Sub-Divisional Sports Association, la pynlong mynta ka sngi ha Jarain Playground, ha kaba ka jingïakhun ka la long kaba itynnad bad kaba iakhait bha hapdeng ka Amlarem Social Club bad ka YC Pdengkarong.
Ka YC Pdengkarong ka la ioh ban lamkhmat ban thep kol ha ka minit kaba 2 lyngba ka penalty kaba la shut da Khambit Langhshiang (Jersey No. 10) hadien ba la don ka jingbakla hapoh ka penalty box.
Ka Amlarem Social Club ka la sei borbah ban ioh pynphai ia kane ka kol bad kane ka jingialehshitom ka la seisoh ha ka minit kaba 20, lyngba u Chantremiki Surong (Jersey No.7), bad kane ka la wanrah ia ka jingïakhaid haduh ba kut ka jingialehkai jong ka kylla step.
Ha ka kylla miet jong ka jingialehkai ka Amlarem Social Club ka la bteng ban ioh thep sa shikol ha ka minit kaba 42 lyngba u Wankibha Pohtmi (Jersey No. 11). Lyngba kane ka kol ka Amlarem Social Club la lah ban pynliem ia ka YC Pdengkarong da 2-1 kol.
