-50 hajar synñiang ka Jowai Co-operative Urban Bank Ltd sha ka Association-
Ka kynhun ïalehkai jong ka Rymbai Shkenshynriah SC kala long ka lahduh haka lympung ‘Super Division Football Tournament-2025’ kaba la tip ïaka kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) ha madan Artificial Turf, Diengshynrum, Khliehriat East Jaiñtia Hills District.
da kaba pynliem ïaka Sutnga SSCC haka jingïashut Tie Breaker da 3-1 kol.
Kane ka jingjop ka R.Shkenshynriah SC kala wan hadien ba kala lah ban pynliem ïaka Sutnga SSCC haka jingïashut Tie-Breaker da 3-1 kol jong ka jingïakhun Final.
Haba phai sha ka jingïakhun naduh ka por jong ka kylla step bad haduh ka kylla miet kine ki ar kynhun kila poi sha ka jingïakhaid da mar shikol (1-1), ïa ka kol na ka R.Shkenshynriah SC la kum thep bakla da u Deligent Pdang (OG) haka minit ba 43. Katba na ka liang ka Sutnga SSCC la thep da u Coming Dkhar haka minit ba 90+3.
Ha kane ka Final la wan ban ïadonlang naduh u ma Wailadmiki Shylla uba long ruh u myntri ka koit ka khiah bad ka kam ïalehkai Sports, u MLA ka thaiñ u ma Kyrmen Shylla, kiwei de ki riew pawkhmat ka thani, ki nongkitkam ka EJHDFA nalor ki paidbha kiba wan sakhi ïa kane ka sngi.
Ka kynhun lahduh jong kane ka lympung mynta u snem kala ïoh rong ïa ka song pisa kaba Rs.1,20,000/- tyngka, ka kynhun ba wan ba ar ka la ïoh Rs. 80,000/- tyngka. Ïa ka nam Best Team la ïoh da ka Shilliang Umshong SC, Best Goalkeeper la ïoh da u Yoomeki Dkhar na ka Shilliang Umshong SC, Player of the Match la ïoh da u Skillfull Tariang na ka R.Shkenshynriah SC, Player of the Tournament la ïoh da u Amorrous Lyngdoh na ka Sutnga SSCC, katba ka nam Top Scorer la ïoh da u Ribiang Dkhar naka R. Shkenshynriah uba la thep haduh 9 kol na baroh ki jingïakhun.
Kum ka dak jong ka jingrakhe ‘Golden Jubilee Celebration’ ka Jowai Co-operative Urban Bank Ltd kala synñiang jingïarap haduh Rs.50,000/- tyngka sha ka Association.
