[Ka kynhun jong ka Lumkhudung bad ka Chiliangraij]
Ka jingialehkai 1st Wailadmiki Shylla Young Festival Football Tournament-2026, kaba pynlong ha Madan Thad Mukhla, West Jaintia Hills District kala nangïaid shakhmat bad kala jam sha ka sngi kaba lai jong ka jingïakhun. Ha ka 9/1/2026 la don lai tylli ki kynhun kiba la ïakhun.
Ha ka jingïakhun kaba nyngkong (1st Game) hapdeng ka Lumkhudung pyrshah ïa ka Chiliangraij, ha kaba ka Lumkhudung ka la jop da 1-0 kol. Ïa ka kol la ïoh ban thep da u Stoly Muruh ha ka minit kaba 42.
Ha ka jingïakhun kaba ar (2nd Game) ka long hapdeng ka Niriang pyrshah ïa ka Iawmusiang, ha kaba ka Niriang kala jop da 4-0 kol. Ïa ki kol la ïoh ban thep da u Dao Muruh ha ka minit kaba 24 bad 29, u Christopher ha ka minit kaba 40 bad u Eskial Khriam ha ka minit kaba 42.
Ha ka jingïakhun kaba lai (3rd Game) hapdeng ka Dongmihsngi pyrshah ïa ka Khimusniang, ha kaba ka Dongmihsngi kala jop da ka Tie breaker 4-2 kol. Ha ka jingīakhun kine ki ar kynhun kila ïoh ban thep mar shi kol bad kane ka la neh tad haduh ba kut jong ka por īalehkai, ha kaba u referee ula hap ban pynlong noh da ka jingïashut Tie Breaker. Ïa ka shikol na ka Dongmihsngi la ïoh ban thep da u Evanmidao Langstang ha ka minit kaba nyngkong bad ïa ka shikol na ka Khimusniang la ïoh ban thep da u Jeffry Liting ha ka mint kaba 59.
[Ka kynhun jong ka Niriang bad ka Iawmusiang]
[Ka kynhun jong ka Dongmihsngi bad ka Khimusniang]
