Ka All Meghalaya Kickboxing Association (AMKA) ha ka 6 tarik Rymphang 2026 ka la jied 5 ngut ki khynnah na ka jylla Meghalaya ban leit ïashim bynta ha ka Asian Pacific Open International Kickboxing Championship, 2026 ka ban sa long ha Indonesia, ha Bali ha ka 24 tarik haduh ka 28 tarik, Rymphang, 2026.
U President jong ka All Meghalaya Kickboxing Association u Bah Samuel Hashah ha ba kren bad ki lad pathai khubor u la ïathuh ba kine ki san ngut ki kynthup ïa ka heprit Amy Grace Nongbsap 10 snem ka rta, ka heprit Osanika Nongbsap 12 snem ka rta, ka heprit Banshailin Grace Masharing 14 snem ka rta ki ban ïakhun ha ka kyrdan Sub-Junior, ka samla Biona Kharmujai 19 snem ka rta ka ban ïakhun ha ka kyrdan Senior bad u Mewanpyndap Marpan, uba la 16 snem ka rta u ban ïakhun ha ka kyrdan Junior.
