Ka Amlarem Sub-Divisional Sports Association (ASSA), kala pyntip ba haka 18 tarik u Rympang kan pynlong ïaka jingïakhun Final haka kyrdan Lower Division bad Upper Division jong ka lympung ïalehkai ka Amlarem Football League 2025-2026, ha madan Football ka shnong Jaraiñ.
Haka por 10 baje mynstep ka jingïakhun Final ban knieh ïa ka nam lahduh haka Lower Division kan long hapdeng ka Dawki AC pyrshah ïaka Ïaikyntiew Pamtbuh SC. Katba haka kyrdan Upper Division ka Man-i-bha SC kan ïakhun pyrshah ïaka Umladkhur SC haka por 12 baje shiteng sngi.
Ha kane ka jingïakhun Final naka liang u Ex-Local MLA ka thaiñ ma R.L. Tariang un long kongsan, ha ryngkat ka jingdonlang ki riew rangbah jong ka thaiñ.
