Ka lympung ïalehkai 2nd Maruti Cricket Tournament 2026 kala sdang mynta ka sngi ha madan ïalehkai Nongtalang, kaba la pynlong da ka Nongtalang United Welfare Organisation, kaba la wan ban plie pyrda da u Henry Manar, President ka Driver Trucks & Owners War Jaintia Association.
Ha kane ka sngi la ïadon lang u Hat Pohchen, Assistant Rangbah Shnong bad u Twinson Rymbui, President jong ka Synjuk Rangbah Shnong War Jaiñtia lem bad kiwei kiwei ki nongïalam shnong.
Ka jingthmu ba kongsan eh ban pynlong ia kane ka jingialehkai ka long ban pynmih fund na ka bynta ka Seng, kaba shimkhia ia ki jingthmu ba donburom ha ka imlang sahlang. Ia kane ka fund kaba ioh na kane ka jingialehkai yn pyndonkam ban kyrshan bad kyntiew ia ki longïing kiba duk bad kiba kyrduh ha ka shnong Nongtalang, kaba pyni ia ka jingkitkhlieh jong ka Seng na ka bynta ka jingbha jingmiat jong ka imlang sahlang bad ka jingkitkhlieh ha ka imlang sahlang.
Ha ka jingïakhun plie jong kane ka lympung, ka CL7 United ka la ïakhun pyrshah ïa ka CL CT ha ka jingïakhun kaba itynnad bha. Ka CL CT ka la ïoh ban kamai 141 ron, katba ka CL7 United ka la ioh kamai 191 ron bad ïoh rah syndon ïa ka nam jop. Na ka bynta ka jinglah ban ïalehkai bha jong u Skhemdiam Suting uba dei u rangïalehkai jong ka CL7 United kumta u la ïoh ïa ka khusnam Man of the Match.
Ka Nongtalang United Welfare Organisation ka ai ka pynpaw ka jingsngewnguh kaba khraw ïa baroh ki kynhun, ki heh ki hain, ki nongtrei mon sngewbha, ki nongkyrshan, bad ki paidbah kiba la kyrshan bad ïashim bynta lang.
Kane ka long katkkum ka kyrwoh ba la phah da u President Ka Nongtalang United Welfare Organisation u ma Yoodahunki Shylla.
