Ka Lion Y&SA kala jop suk da 128 runs ïa ka Khliehtyrchi SC haka jingïakhun mynta ka sngi 3-03-2026 haka lympung jong ka District Cricket League 2026 ba pynïaid da ka West Jaiñtia Hills District Cricket Association ha madan Khliehtyrshi.
Ka Lion Y&SA ka jop ïa ka jingkynting pisa bad kala jied ban tied nyngkong da kaba kamai 211 run na ki 35 over bad hap 8 wicket. U Nick Dann ula kamai 69 run na ki 47 bol kynthup 3 tylli ki 6 run bad 5 tylli ki 4 Run, katba u Dr. Dawanroy Nongpluh ula kamai 32 run na ki 60 bol kynthup 4 tylli ki 4 run
Na ka liang ki nong kawang bol jong ka Khliehtyrchi S.C, u Peter Nongtdu u la ïoh kur 4 wicket na ki 7 over, hynrei kam shym la biang ban tehlakam ïa ka jingïoh run jong ka liang pyrshah.
Haba wan ban beh ïa ka thong kaba 212 runs, ka Khliehtyrchi S.C ka la shah pynhap lut baroh 10 wicket tang ha ki 24.4 over bad ka la lah ban tied tang 83 run. U Yutang Kma ula tied bha da kaba kamai 28 run na ki 26 bol kynthup 4 tylli ki 4 run
Ki nongkawang bol ka Lion Y&SA, u Daymen Shullai ula khur 4 wicket bad ai tang 11 run ha ki 4 over, katba u Peterson Lamare bad u Noondaystar Pohrmen ki la ïoh ban pynhap 2 wicket marwei.
Ïa ka nam Man of the Match la ïoh rah da u Nick Dan jong ka Lion Y&SA uba lehkai bha ha ka ba tied.
Katba ka jingïalehkai lashai ka sngi ka 4 tarik kan long hapdeng ka Riwar Titan CC bad ka Tympang CC ha ka por 9 baje mynstep.
