Ka P.C.C Phramer bad ka Wahiajer S.C kila long ki nongjop ha ka jingïalehkai ka District Cricket League 2026 mynta ka sngi bala pynïaid daka West Jaiñtia Hills District Cricket Association.
Ha ka jingïalehkai kaba la pynlong ha madan Khliehtyrchi Mini Stadium, ka P.C.C Phramer ka la pynliem ïa Riwar Titan C.C da 81 runs.
Ka PCC Phramer haba tied nyngkong ka la kamai 253 runs bad shah pynhap baroh 10 wicket ha 27.3 over. U Phiner Tang u la long u nongtied uba paw bha da kaba kamai 116 runs na 50 bol, katba u Kamni Suna u la bynrap 35 runs. Na ki nong kawang bol jong ka Riwar Titan CC, u Kermi U Tariang u la ioh ban pynhaap 4 wicket, katba u Mickey Marngar u la ioh ban pynhaap 3 wicket
Haba beh ïa ka thong,ka Riwar Titan C.C ka la lah ban kamai tang 172 runs bad hap 9 wicket ha ki 35 over bad kumta ka la shah pynliem. Ha ka liang ka bowling jong ka P.C.C Phramer, u Melan Suchiang bad u Heibiang Suchiang ki la leh bha ban pynhap mar 3 wicket, kaba la ïarap ban khanglad ïa ka kynhun pyrshah.
Ïa ka nam Man of the Match la ïoh rah da u Phiner Tang, u batied 100+ run ïa ka kynhun PCC Phramer.
Ha ka jingïalehkai kaba ar, ka Wahiajer S.C kala pynliem da kaba suk ïa ka Khimusniang C.C da 262 runs. Ka Wahiajer S.C haba tied nyngkong kala buh ïa ka score kaba heh haduh 343 runs na ki 35 over bad dun 6 wicket. U Heimon Dkhar ula lamkhmat ïa ka tied da kaba kamai 108 runs, katba u George Ryngkhlem ula tied bha da 76 runs na tang 28 bol bad u Hillel Susngi ula bynrap 57 runs. Na ki nong kawang bol jong ka Khimusniang CC, u Jeffrey Litting bad u Nibiangmon Sutnga ki la ïoh ban pynhaap mar 2 wicket.
Haba beh ïa ka thong kaba heh, Khimusniang C.C kam shym la lah ban ïakhun bha bad ka la kamai tang 81 runs bad hap 8 wicket ha ki 21 over, bad la pynsangeh noh ïa ka jingïalehkai na ki daw ba pynthut u slap. Na ki nongtied jong ka. u Rimiyoo Syih u la tied 24 run na ki 28 bol, katba u Ebenezer Sutnga pat u la tied 17 run. Haka bowling, u Mebanker Suting u la long uba pawnam da kaba shim 3 wicket na 5 over bad ai tang 8 runs, katba u Janai Talang u la shim 2 wicket.
Ïa ka nam Man of the Match la ïoh rah da u Heimon Dkhar, u batied 100+ run ïa ka kynhun Wahiajer.
Ki jingïalehkai la shai ka sngi ka 11 tarik kin long hapdeng ka The Legend (Lissi Pearl) pyrshah ïa ka Evergreen Mukhla Mission ha Khliehtyrchi Mini Stadium bad ka Moodymmai SU pyrshah ïa ka Young Lads ha Wahiajer Mini Stadium haka por 9 waje mynstep.
