Ka The Legends (Lissi Pearl) bad ka Young Lads CC kila long ki nongjop mynta ka sngi 12 tarik u Lber ha ki ar tylli ki jingïalehkai jong ka District Cricket League 2026 bala pynïaid daka West Jaiñtia Hills District Cricket Association.
Ha ka jingïalehkai kaba long ha Khliehtyrchi Mini Stadium, ka The Legends (Lissi Pearl) kala jop da 175 run ïa ka Evergreen Mukhla Mission.
Ka The Legends (Lissi Pearl) kaba la jied ban tied nyngkong kala kamai 222 run na ki 35 over bad hap 8 wicket. Na ki nongtied jong ka, u Shaniah Ryngkhlem ula kamai 46 run na ki 55 bol (1 six bad 5 tylli ki 4 run), katba u Rae Sari 32 run na ki 32 bol (6 tylli ki 4 run). Na ki nongkawang bol jong ka Evergreen Mukhla Mission, u Esalan Shylla ula ïoh khur 2 wicket na ki 7 over.
Haba beh ïa ka thong, ka Evergreen Mukhla Mission kala kamai tang 47 run bad hap baroh ki wicket ha ki 17.1 over. Na ki nongtied jong ka uba kamai bun run dei u Shoristar Suna ula ïoh 17 run na ki 20 bol. Na ki bowler jong ka The Legends (Lissi Pearl), u Starry Sana ula khur 3 wicket, katba u Conrad Sana – 2 wicket.
Ïa ka nam Man of the Match la ïoh rah da u Starry Sana (The Legends – Lissi Pearl).
Ha ka jingïalehkai kaba la long ha Wahiajer Mini Stadium, ka Young Lads CC kala jop da 95 run ïa ka Moodymmai SU.
Ka Young Lads CC kaba la jop ïa ka toss kala jied ban tied nyngkong bad ka la kamai 204 run shuwa ban hap baroh ki wicket ha ki 32.4 over. Na ki nongtied jong ka, u Puraki Shadap Passah – 38 run na ki 32 bol (8 tylli ki 4 run), u Namewanki Pakyntein – 36 run na ki 41 bol (1 six bad 4 tylli ki 4 run), katba u Chwamiki Ryngkhlem – 30 run na ki 32 bol (6 tylli ki 4 run). Na ki nongkawang bol kong jong ka Moodymmai SU, u Rijest Lytan – 3 wicket na ki 7 over, katba u Teimiki Passah bad Richeal Passah – mar 2 wicket
Hynrei na ka liang ka Moodymmai SU kala kamai tang 109 run bad ka dang duna 96 run ban poi sha ka thong, ki wicket baroh ki la hap ha ki 21 over. Na ki nongtied jong ka, uba kamai bun run dei u Pyndap Lamin – 16 run na ki 15 bol. Na ki bowler jong ka Young Lads CC, u Chwamiki Ryngkhlem ula ïoh khur 5 wicket na ki 5 over, katba u Namewanki Pakyntein bad Satemitre Bareh kila ïoh mar 2 wicket.
Ïa ka nam Man of the Matchla ïoh dau Chwamiki Ryngkhlem (Young Lads CC) namar ka jingïalehkai bha ha ka bowling bad batting.
La pyntip ba ka jingïalehkai la shai ka sngi ka 12 tarik kin long hapdeng ka War Jaiñtia United pyrshah ïa ka West Jaiñtia Police ha Khliehtyrchi Mini Stadium bad ka Tympang CC pyrshah ïa ka Chutwakhu SC ha Wahiajer Mini Stadium ha ka por 9 waje mynstep.
