U District Sports Officer (DSO) jong West Jaintia District, u la phah kane ka jingpyntip ba ka ophis jong ka District Sports Officer ha ryngkat ka jingïatreilang bad ka West Jaintia District Sports Association (WJDSA) Jowai kin pynlong ïa ka District Level Inter School Athletic Meet, 2026 ha u bnai Ïaïong (April) 2026.
Ha ka jingïadei bad kane, u DSO u la khot ruh sha ka jingïalang ia baroh ki Principal / Headmaster / Headmistress bad ki Teacher Incharge jong ki skul, kaban long ha ka 25 tarik u Lber (March), 2026 ha Kiang Nangbah Indoor Sports Hall ha ka por 1:00 baje nohphai sngi, ha kaba yn pynshai bad ïakren ruh halor kiwei pat ki jingdonkam kiba ïadei bad kane ka prokram ialehkai sports jong ki Skul ha West Jaiñtia.
