Ïoh u Fairming Suting ïaka nam Man of the match
Ka lympung ïalehkai phubol jong ka Meghalaya State League (MSL), bala pynlong mynta ka sngi 16 tarik u Ïaïong, ha madan Amlarem, Ladjaplem Mini Stadium West Jaiñtia Hills District naka bynta ka Group-C hapdeng ka Mawlai Sports Club pyrshah ïaka Amlarem Social Club.
Haba phai sha ka jingïakhun hapdeng kine ki ar kynhun ka Mawlai SC kala lah ban pynliem da 3-1 kol ïa ka Amlarem SC. Ïa ka kol kaba nyngkong la thep shwa da ka Amlarem haka minit kaba 11 lyngba u Foulmi Khongïong. Katba ka Mawlai SC kala ïoh ban pynphai haka minit kaba 48 lyngba u Fairming Suting.
Ka Mawlai SC kala nangïalehkai bha shuh shuh da kaba pyntam sa ar kol haka minit ba 63 lyngba u Damabhalang Chyne bad u Fairming Suting ula ïoh biang ban thep haka minit ba 67 bad uba la ïoh ïa ka nam Man of the Match jong kane ka jingïakhun mynta ka sngi.
Ha kane ka sngi la wan ban ïadonlang naduh u MDC ka War East ma Medling Swer, u ma Wansuk Lamin Working President ka ASSA, u Nodal officer ma Lamat o Laloo, u Waheh Shnong ka Amlarem, ki Coach bad ki paidbah nongshong shnong ka thaiñ kiba la wan ban sakhi ïa kane ka lympung kaba itynnad kaba dei ruh ka sien ba nyngkong ba la pynlong ha Amlarem hadien ba la dep pynshan thymmai ïa ka madan Artificial Turf.
