Hadien ka jingpoi hospital u Chairman ka Green Tech Foundation (GTF) u Bah H Bansiewdor Nonglang, u ba dei u General Secretary ka Green Tech Foundation u la bteng ia ka jingshah thngan ha madan Malki.
Haba kren sha ki lad pathai khubor u General Secretary ka Green Tech Foundation u Samla Ritre Lyngdoh u la pyntip ba kane ka jingshah thngan ka dei ka sngi kaba 10 kaba la pynlong da ka kynhun ka Green Tech Foundation ban dawa na ka Sorkar ban weng noh ia ka Project ha Lumpongdeng.
Nalor kata u la pynpaw haba ïadei bad ka jingpoi hospital u Chairman ka Green Tech Foundation ka dei hadien ba ka jingkoit jingkhiah kam long shuh bad mynta na hospital u Chairman u la pynlong ia ka jingshah thngan bad da kaba kyntait ban bam namar kane ka dei ka bynta jong ka jingshah thngan naduh nyngkong ka sngi jong ka kynhun bad mynta i lah kham ioh bor bad ynda lah kham khlaiñ un sa bteng biang ia ka jingshah thngan la pyntip u General Secretary u Samla Ritre Lyngdoh.
Khatduh u la bynrap ka kynhun kan shong shah thngan beit khlem pud sngi bad lada ka sorkar kam pynphai ia u Lumpongdeng sha ki paidbah bad lada ka sorkar kam weng ia ka project ha Lumpongdeng.
