Ka Khimusniang FC kala long ka lahduh haka lympung ïalehkai phutbol bala ai kyrteng ka 1st Wailadmiki Shylla Veterans Football Tournament 2026, kaba la pynlong mynta ka sngi Saitjaiñ ha madan Jrisaleiñ Chutwakhu Jowai.
Kane ka jingjop ka Khimusniang kala wan hadien bala pynliem ïaka Mukhla da 2-0 kol, katba ka Mission Compound/Lumkyrwiang kala jop ïaka kyrdan ba lai (3rd Place).
Ïa ki khusnam sha ki nongjop la sam da u kongsan jong kane ka sngi u bah Hamletson Dohling uab dei u Adviser jong u Chief Minister bad u President ka Meghalaya Football Association (MFA), ha ka jingdonlang u MLA ka Jowai uba dei u myntri ka koit ka khiah bad ka kam ïalehkai sports ma Wailadmiki Shylla, ki MDC ka JHADC, ki nongkitkam ka NPP, ki nongïalam shnong bad kiwei de.
Na ka bynta ka kynhun kaba ïoh rah ïa ka nam lahduh kala ïoh roh ïa ka song pisa kaba 1,50,000/- tyngka, ba wan ba ar 1,00,000/- tyngkat, katba kaba wan ba lai kala ïoh 50,000/- tyngka ha ryngkat ki Medal bad Trophy. Ha ka jingïalehkai Paralok ka Legend XI kala jop ïa ka Kdup dei maia XI.
Ïa kane ka lympung la pynïaid da ka ophis jong ka NPP ka 2-Jowai Constituency West Jaiñtia Hills District, Jowai.
Ïa ka nam Best Goalkeeper la ïoh da u Rimiki Lyngdoh naka Mission Compound/Lumkyrwiang, Top Scorer la ïoh da u Charles Sumer na ka Mukhla, Player of the Tournament da u Donbok Bamon na ka Khimusniang, Oldest Player la ïoh da u Carmel Suchiang (63 snem) na ka Mukhla.
