Ka ophis jong u District Sports officer (DSO), West Jaintia Hills District, Jowai kumba ju long manla u snem mynta ka kynti ruh kan sa pynlong biang ia ka District Level Inter School Subroto Mukherjee Cup Football Tournament, 2026.
Ia kane ka Tournament yn sa pynlong ha ka taiew balai jong u bnai Jylliew (June) na ka bynta ki Under-15 bad Under 17 ia ki shynrang bad kynthei. Ia kane ka Tournament yn pynlong ha Wahiajer Multi Sports Complex, Wahiajer, West Jaintia Hills District.
Ia ki Form ban pynrung kyrteng lah ban ioh na ka ophis treikam jong u DSO, West Jaintia Hills. Kino kino ki skul kiba don jingmut ban iashim bynta ha kane ka Tournament ki lah ban phah ia ka kyrteng jong ki Player ryngkat ki dur shiteng (passport size), kumjuh ki xerox copy jong ka Aadhaar Car bad ka Birth Certificate hapoh ka 5-6-2026 ha ki por long trei.
Kan sa don ka jingiakynduhlang jong baroh ki skul kiba iashim bynta ha ka 5-6-2026 ha ka por 1:00 PM ha Kiang Nangbah Indoor Stadium, Jowai. Ka screening ia ki player kan long ha ka 9-6-2026 naduh ka por 9:00 AM shaneng.
Yn shah tang 20 ngut ki player na kawei kawei ka thup ban wan sha ka screening, ha kaba ki hap ban wan rah lang ia ki original Aadhaar Card, ki Birth Certificate bad ki Permanent Education Number (PEN). Ki nongpyniaid kin ym pdiang ia ki player ki bym wan rah lang ia kine ki original document jong ki.
Na ka bynta ka jingtip ba kham bniah lah ban phone ha kine ki number : 9402310523 / 9774407962.