Ka Khliehriat Bar Association haka 2 tarik u Jylliew ka la ioh ban pynhap pyrda iaka jindap 10 snem naduh ba la seng ia ka ha u snem 2016.
Ha kane ka sngi la pynlong ia ka prokram ha Khliehriat West Community Hall bad la wan pynhap pyrda ia ka jingrakhe da u nongmihkhmat ka 6-Khliehriat Constituency u Ma Kyrmen Shylla ha ryngkat ka jingdonlang u Deputy Commissioner ka East Jaintia Hills Shri Manish Kumar, IAS Khliehriat, u SP ka East Jaintia Hills District P.K Rasgania, IPS ryngkat ki waheh Shnong ka Khliehriat West bad ka Khliehriat East ba da mihkmat da u Ma Justine Dkhar bad u Ma Kedious Rymbai.
Ia ka prokram la pyniaid da ka Kong Khanaki Challam. Ha kane ka sngi la isdon ryngkat ki nongseng jong ka Khliehriat Bar Association kiba la seng iaka ha u snem 2016 da ki 10 ngut ki dkhot (Founding Members).
Ha kane ka sngi la pynkup burom ia baroh ki nongseng ka KBA bad la sam ia ki prize sha ki muktiar kiba la jop ha ki jingiakop bapher bapher jong kane ka jingrakhe jingdap 10 snem kaba la sdang naduh ka 26 tarik Jymmang 2026.
Ha kane ka sngi na ka liang ka Khliehriat Bar Association ka la ioh ban pynsngew bad aiti ia ka dorkhas ha u MLA ka Khliehriat Constituency u Ma Kyrmen Shylla halor ka jingdawa ban bud dien bad kyntu ia ka sorkar jylla bad ka JHADC ban wanrah noh iaka Judicial Branch ka JHADC ha khliehriat bad kamjuh ban pynkhlan iaka Executive Branch jong ka ban ioh pynsuk ia ki paidbah ka thaiñ East Jaintia.
