Ka Election Commission jong ka India ka la bthah ban pynlong ia ka Special Intensive Revision (SIR) ha ki 16 tylli ki Jylla bad 3 tylli ki Union Territory (UT).
La pynbeit ia ka por jong ka SIR Phase-III da jingrung ïing ki nongtrei ban leh ia ka House Listing jong ka Census kaba dang iaid shakhmat mynta.
Da kane, ka SIR jong ka Electoral Roll kan kdup ia ka ri baroh kawei ha ka Phase – III lait noh ha Himachal Pradesh, Jammu & Kashmir bad Ladakh. Hadien ba la pyndep ia ka Phase – II jong ka Census ha kine ki laitylli ki Jylla/UT bad ynda la peit thuh na ka jinglong ka suinbneng ha ki thaiñ kiba kynjang/ba hap ior, iaka tarik ban pynlong iaka SIR na ka bynta kine ki lai tylli ki Jylla/UT yn sa pynbna pat kham hadien.
Ha ka SIR Phase- III, palat 3.94 lak ki Booth Level Officers (BLO) kin rung man ki thliew ïing sha 36.73 klur ki nongthep vote ba la iarap da ki 3.42 lak ki Booth Level Agents (BLA).
Ka SIR ka dei ka kam kaba iashim bynta lang da baroh kiba ia don bynta kynthup ia ki nongthep vote, ki seng saiñ hima ia ki BLA ha man ki Polling Booth, ban pynthikna iaka jingshim bynta jong baroh kaba la pynlong kan long kaba shai bad kaba khuid da ka jingiashimbynta jong ki seng sain hima.
Ha ki artylli ki Phase ba nyngkong jong ka SIR ha ki 13 tylli ki Jylla/UT kaba kdup jan 59 klur ngut ki nongthep vote kat haduh ka tarik jong ka jingpynlong ia ka SIR ha ka Jylla/UT, palat 6.3 lak ki BLO bad 9.2 lak ki BLA ba la thung ki la iadonbynta ha ki kyrdan bapher bapher jong ka jingpynlong ia ka SIR.