Ka War Jaiñtia Students’ Union (WJSU) kala dawa na u Executive Engineer ka Jowai Central Division PWD (NH) ban shna pynbha biang ïa ki bynta bala sniew shaba palat jong ka surok NH 206 (Dawki-Amlarem.).
Halor kane ka jingsniew palat ka surok Dawki-Amlarem NH 206 ha kiba bun ki bynta khamtam hajan ka transport department weighbridge bridge, Amjaha RCC bridge, hajan ka jaka tih mawshun Dawki-Tambil bad ha kiew de ki bynta kaba la wanrah ia ka jingeh kaba khraw ia ki nongleit nongwan, ki kali kit briew bad ki trok khaïi kiba kit ïa ki mar lyngba ka surok bah Dawki.
Kaba phylla shuh shuh ka long tang katto katne bnai bala dep shna ïa ka surok, hynrei ki bynta jong ka surok kila sniew lut bad kane ka paw ïa ka jingbym shan slem jong ka suroh, kumta ka seng kala dawa ïa katei ka tnad ban maramot noh katba lah khnang ban suk ka ïaid ka ïeng.
Na ka liang ka seng kala buh por hapoh shiphew (10) sngi ban pyndep ïa ka jingmaramot khlem da pynshlem shuh ïa baroh ki bynta ba sniew jong ka surok Dawki-Amlarem NH 206. Lada ym lah ban pynbeit ïa kane ka seng kan sa shim ïa ki sienjam kiba tyngeh naka bynta ka jingmyntoi jong ki paidbah.
