Ka Jaintia Students’ Movement (JSM), lyngba ka shnat Education Cell, Central Executive Committee, hadien baka la pynlong iaka letters writing competition ha Jaiñtia Eastern College, Khiehriat, East Jaintia Hillls ha ka 20 tarik Jylliew 2026, kala pynlong biang iaka Letter Writing Competition – ha ka 27 tarik Jylliew 2026 ha District Library Mynthong, Jowai.
Ka phang jong kane ka jingïakop thoh shithi kadei “Ka jingktah ka jingkhang dewïong bad ka jinghiar ha ka ioh ka kot ha Ri Jaiñtia,” ban ai lad ïa ki samla pule ban pynsngew ïa ki jingmut jingpyrkhat jong ki katkum katei ka mat ba kongsan tam kaba ktah ïa ka thaiñ.
Ki samla pule kiba lah ban ia shim bynta ha kane ka jingiakop ki long ki ba naduh ka klas 10, 11, 12, bad ka kyrdan pule undergraduate (UG). Ki nongiashim bynta kilah ban thoh ha ka ktien Khasi ne Phareng. Ia kane ka jingiakop la pynlong ha District Library Mynthong Jowai. Ka JSM kala pyntip ba baroh ki shithi jong ki nong wan shim bynta yn phah bishar bniah (correct) da ki nonghikai bala tbit kiba dei na Jaiñtia Hills District, ym da ki dkhot ka JSM, khnang ban pynthikna ïa ka jing bishar kaba hok bad shisha. Hadien bala dep ban bishar yn jied ïa kiba bha tam na ka bynta ka 1st, 2nd bad 3rd prize.
Haba ai jingkren ha ki lad pathai khubor hadien bala dep ka jingiakop thoh, u Publicity ka JSM u Samla Heihokmi Supuh ula ong baka jingthmu hi ka dei ban ai lad ia ki samla pule ban pyn i iaka jingtip jong ki bad ban sam iaki katkum ka jing shempang jong ki kat kum ka phang pdeng bala ai ka seng.
Shuh shuh ula ong ba kane ka long shi bynta katkum ka jing dawa bala dawa slem ka seng kaba la pynbna ban iakhih paitbah daka ba jaijai kaba la pyntip ka Seng kum ka 31March Ultimatum, ban dawa naka sorkar ban pynduna iaka Minimum Mining Lease Area naka 100 hectare shaka 4hectares, ban ai jing iarap sha ki long ing kiba la shah ktah naka jingkhang ia u Dewiong, kumjuh ban ai kajuh ka lad ban tih bad die ia u Dewiong naduh ki traipar ba heh haduh ki trai par ba rit. Ka JSM ka la phah ka jingai khublei kyrpang ïa baroh ki samla kiba wan ia shim bynta ha kane ka jingïakop. Ka jingïashim bynta jong ki samla ka pyni ïa ka jingshlur, ka jingkitkhlieh bad ka jingangnud ban pynsawa ïa ka sur iong ka Ri Jaiñtia.
