Ka sorkar jylla lyngba ka tnad Home (Political) mynta ka sngi kala pynmih ia ka list katkum ka No.POL.68/2015/494. Dated Shillong, 30th June, 2026, kaba la pynbeit thymmai khyndiat na ka ba la pynmih mynshwa kaba don ia ka No.POL.6/2015/270 Dated 20th March, 2023. La pyntip ba na ka liang jong u Lat ka jylla ula thaw biang ia ki 3 tylli ki Regional Committee ki ban peit ia ka long ka man jong ki 6 tylli ki jaka kiba dang don ha ka jingiakhajia pud ne ka jingbym iasngewthuh jingmut hapdeng ka Meghalaya bad ka jylla Assam.
Kine ki 6 tylli ki jaka ne shnong ki kynthup ia ka Langpih ha West Khasi Hills District, ka Borduar, ka Nongwah-Mawtamur, ka Deshdoomreah, Block-II kiba ha Ri-Bhoi District bad Block-I ka Psiar – Khanduli ha West Jaintia Hills District.
Ka Regional Committee jong ka Ri-Bhoi District ka kynthup ia u bah Prestone Tynsong, Deputy Chief Minister, i/c Home (Police), etc kum u Chairperson bad ki dkhot ki kynthup ia u Sosthenes Sohtun, Minister in-charge, C&RD etc, u bah Mayralborn Syiem, MLA Nongpoh Constituency, u ma Damanbait Lamare, MLA, Umroi Constituency, bah Charles Marngar, MLA, Mawhati Constituency, bah Denzil Raynard Chen, Executive Member, KHADC (Elaka) bad u Deputy Commissioner, Ri-Bhoi District kum u Member Convenor.
Ka Regional Committee jong ka West Khasi Hills District, ka kynthup ia u bah Metbah Lyngdoh, Minister in-charge Power Department, etc kum u Chairperson bad ki dkhot ki kynthup ia u bah Methodius Dkhar, Minister in-charge, Food & Civil Supplies and Consumer Affairs Department etc. u bah R.L. Tongkhar, MLA, Mawkyrwat Constituency, u Remington Gabil Momin, MLA, Rambrai Jyrngam Constituency, u bah Winston Tony Lyngdoh, CEM, KHADC, bah Lurshai Kharbani, MDC, Rambrai Jyrngam, KHADC bad u Deputy Commissioner, West Khasi Hills District kum u Member Convenor.
Ka Regional Committee jong ka West Jaintia Hills District, ka kynthup ia u ma Sniawbhalang Dhar, Deputy Chief Minister i/c Urban Affairs, etc, kum u Chairperson bad ki dkhot ki kynthup ia u ma Lahkmen Rymbui, Minister in-charge, Education etc. u ma Comingone Ymbon, MLA, Raliang Constituency, u ma Jujorki Sungoh, MLA, Mowkaiaw Constituency, u ma Thombor Shiwat, CEM, JHADC, ma Aiborlang Shadap, MDC, Barato-Mukroh, JHADC bad u Deputy Commissioner, West Jaintia Hills District kum u Member Convenor.
Baroh kine ki 3 (lai) tylli ki Regional Committee ki hap ban pynpoi ia ka Report jong ki sha ka sorkar Jylla hapoh ka 45 sngi naduh ba la pynmih ia kane ka jingpynbna.