Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2026’ kaba la long mynta ka sngi 1 tarik u Naitung, 2026 ha Wahiajer Mini Stadium bad Multi Sports Complex bala pynïaid da ka ophis u District Sports Officer West Jaiñtia Hills District, Jowai.
Haba phai sha ki jingïakhun Quarter Final jong ka kyrdan Under-15 (Boys) ka North Liberty H/S School kala jop da 3-0 kol ïa ka Sein Raij H/S School Wahiajer. Ka Mihmyntdu R.C Eve kala jop da 5-3 kol ïa ka Marian Hill H/S School da ka jingïashut Tie Breaker. Ka Govt. Boys H/S School kala jop da 1-0 kol ïaka H.K Singh Memorial Sec. School.
Haka kyrdan Under-17 (Girls) ka North Liberty H/S School kala jop da 10-0 kol ïa ka Achiever H/S School. Ka Govt. Girls H/S School kala jop da 4-2 kol ïa ka St. Dominic H/S School haka Tie Breaker. Ka Jaiñtia H/S School kala jop da 4-3 kol ïa ka Jowai Govt. U/P RMSA School. Katba ka H.K Singh Memorial Sec. School kala jop da 4-1 kol ïa ka Amwi Thangbuli H/S School haka Tie Breaker.
Haka jingïakhun Semi Final jong ka kyrdan Under-17 (Boys) ka Amwi Thangbuli H/S School kala jop da 3-2 kol ïa ka H.K Singh Memorial Sec. School haka jingïashut Tie Breaker. Katba ka Sawlyngdoh H/S School kala jop da 3-1 kol ïa ka North Liberty H/S School.
La pyntip ba ka jingïakhun Semi Final jong ka kyrdan Under-15 (boys) bad ka Under-17 (Girls) kan long lashai ka sngi 2 tarik u Naitung ha madan Wahiajer Multi Sports Complex. Katba ka jingïakhun Final jong baroh lai tylli ki kyrdan kan long haka 3 tarik mynta u bnai.