“Ka kam pynbeit pud hapdeng ki ar jylla kala ïaid shaid shaid shen yn pyndep kloi”: Himanta
U Myntri Rangbah ka jylla Assam u Himanta Biswa Sarma haba jingwan jong u mynta ka sngi 9 tarik u Naitung sha Jowai ban sakhi ïa ka lehñiam Behdeiñkham kum u kongsan mynta u snem 2026 bala pynlong da ka Seiñ Raij Jowai.
Haba kren sha ki lad pathai khubor ula ong ha kaba ïadei bad ka kam pynbeit pud hadeng ka jylla Assam bad Meghalaya kala long kaba ïaidbeit ïaidryntih lyngba ki jingïalang bala khot pynlong manla ka por, shuh shuh ula ong ïa kane ka kam yn sa lah ban pynbeit noh kloi da ka jingïatreilang kum shipara hapdeng ka Assam bad Meghalaya.
Na ka liang jong u Himanta Biswa Sarma u la ong ba un sa wan ïashim bynta biang ha kawei pat ka por da kaba leit shad lang hapoh ka Syiem Aitnar. Ha ka juh ka por ula pynpaw ka jingsngewkmen ban wan sakhi lang ïa kane ka Behdeiñkhlam haka sien kaba nyngkong bad ban ïohi dala ki jong ki khmat hapdeng ka jingphuh jingphieng.
Shuh shuh ula pynpaw ka jingaikhublei ïa ki bor pynïaid jong ka lehñiam Behdeiñkhlam kiba la kloi ban khot sngewbha ïa u kum u Kongsan haka sngi pynkut ka shad lehñiam, da kaba kitbok ruh ïa ki khun ka Seiñ Raij Jowai ba kane ka Lehñiam Behdeiñkhlam kan long kaba iaid beit iaid ryntih.