Ka khubor kaba la iohlum na Umkiang la iathuh ba hynnin ka sngi 8 tarik u bnai Naitung 2026 ha ka por kumba 7:30 jan miet ei ei ka la don ka jingtwa khyndew kaba jur ha ki bynta jong ka skul Holy Cross, Umkiang , East Jaiñtia Hills District. Kane ka jingtwa khyndew ka pynkyllem ia ka jong ka skul kaba la jia hadien ka jinghap u slap u ba jur bha ha katei ka thain.
Ki nongshong shnong ka Umkiang ki la iathuh ba ym shym la don kano kano ka jingjia ba sngewsih ha kane ka jingjia bad haduh ba la thoh ia ka khubor ym pat lah ban pynkhuid ia ka khyndew na katei ka jaka. Na ka liang jong ki bor pyniaid skul ki la tap shwa ia kane ka jaka ba la shah pynjulor da ki tarpaulin ban maham ia ki paidbah ban kiar na kane ka bynta ba jia ka jingtwa khyndew khnang ban lait na kino kino ki jingjia ba sngewsih.
Ha kajuh ka ki bor pyniaid skul kila kyntu ia ki bor ba dei peit ba kin sngewbha ban jurip bad pynioh lem ki lad jingiarap halor kane ka jingshahktah ka kynroh jong ka iingskul.
