Kawei ka pick up thylli ka ba don ia u number ML15 1628 ka la kylla hapdeng surok ha ka por 11 baje ei ei mynstep mynta ka sngi.
Ha kane ka kali pick up la don ar ngut ki briew bad ki la mynsaw malu mala. La iathuh ba kane ka kali ka dang mut ban leit sha ki thaiñ Sohryngkham. Hynrei ha ba la poi ha shnong Lamlyer na ka daw jong ka jingpynher sted jong u nongñiah ka la kylla noh hapdeng surok bah.
Da ka jingiarap jong ki nongleit nongwan la iarap ban sei ia kitei ki arngut napoh katei ka kali bad la pynshong ia ki sharud jong u surok bah.