Ki nongtrei Muster Roll ha ka 20 tarik Naitung 2026 ki la leit tur kynsan sha ophis u Chief Engineer ka Public Health Engineering (PHE) ha ryngkat ki plakad ban dawa pyllait noh ia ka bainong sngi kaba kim pat ioh naduh u bnai ïaïong haduh bnai Jylliew 2026.
Ha shwa ba kin leit tur ki nongtrei Muster Roll ki la pynlong ia ka jingiakynduh lang ha Dorbar Hall Wahingdoh ban iakren ha kaba ia dei bad ka jingkynduh jingeh kum ki nongtrei Muster Roll.
U Adviser jong ka Joint Action Committee Muster Roll Workers Union u Khroo L. Pariat haba kren sha ki lad pathai khubor u la takrain tyngeh ruh ia u President ka Voice of the People Party-Youth Wing u Bah Marbud Dkhar uba la kynnoh ba ka Sorkar Jylla kam don por ban peit ia ki nongtrei Muster Roll.
U Bah Pariat u la ong ba ka Sorkar Jylla haduh mynta ka la siew lut ia baroh ki jingsiew naduh ka VDA haduh u bnai Jylliew, 2026 hynrei lait noh tang na ka ophis u Chief Engineer ka PHE.