Mynta ka 21 tarik Naitung, 2026 ki trai kali Tipper (Hywa) kiba dei ki nong East Jaiñtia ki la pynlong ia ka jingialang ban seng ia ka Association kaba la ai kyrteng “East Jaiñtia Hills District Tipper Owner Association”.
Ka jingthmu haba seng ia kane ka Association ka long na ka bynta ka jingbit jingbiang ha ka kamai kajih ka kit ka bah jong baroh kiba don kali Tipper hapoh ka District.
Kumba long mynta la iohi ba kine ki kali Tipper kim ioh satia ka kamai kajih kaba biang, bun ki shu shong sngi khlem ioh kamai. Marwei ban ia ksaid kam poi shano shano, kumta da kawei ka jingmut ki trai kali ki sngewdei ba ka la biang ka por ban don noh da ka Association ban kdup ia baroh ki trai kali bad kumjuh ban ia long tylli kawei hapoh ka District. Ia kane ka Association yn leit ban pyndep ia ka jingleh registration katkum ki kyndon jong ka aiñ hapoh kine ki khyndiat sngi.
Mynta hi ka sngi la jied ia ki nongkitkam jong ka Association kiba kynthup ia u President – Mr. Shaniahskhem Dkhar, Vice. President – Mr. Poime Sana, Secretary – Mr. Spellingmon Dkhar, Asst. Secretary – Mr. Deibor Suchiang bad Treasurer – Mr. Jop Dkhar.
La jied ruh 4 ngut ki Adviser ba kynthup ia u ma Arki Ryngkhlem, ma Thiarly Rymbai, ma Kwe Dkhar bad ia u ma Lukas Dkhar. Ki Auditor ki long u ma Leading Rymbai bad u ma Britis Dkhar. La jied Spoke Person ia u ma Nicholas Rymbai bad la jied ia ki 23 ngut ki dkhot jong ka Executive Committee.
