Ka Jaiñtia Fishing & Environment Protection Association (JFEPA), kawei na ki seng ha nongbah Jowai kaba peit ia ka bha ka miat jong ka Myntdu bad ia ki doh um ba don ha ka wah, haka jingialang jong ka Association kaba la long haka janmiet jong 21.07.26 ha ïing Dorbar Hall jongka Shnong Tpep Pale Jowai, ka la pynthymmai biang iaki nongkit kam ki jong ka, kiba dei na ka bynta u snem 2026 haduh u snem 2028.
Ka seng ha kajuh ka por, ka ban jur ia baroh ki nongkhwai dohkha ba kin wan shakhmat na ka bynta ban register ia ka kyrteng jong ki hapoh jong ka Association khnang ba ka Association kan nangkhlain ka jingtrei kam ka jong ka bad ka nangiar bad nangkhlaiñ shuh shuh na kawei kapor sha kawei pat ha ka jingiadei bad ka jingiada ia ka wah bad ki doh um doh wah kiba don ha ka wah Myntdu kumjuh ruh sha kiwei de ki wah.
Ki nongkit kam ba thymmai jong ka JFEPA na ka bynta u snem 2026-28, ki kynthup ia u President ma D H Pde, Vice President ma Wanlambok Rymbai, General Secretary ma M Challam, Assistant General Secretary Dawan Pyrbot, Auditor Convener Kitbok Passah, Auditor member Ram Ryngkhlem bad V.E Pohleng ryngkat bad 17 (Khadñiew) ngut ki Executive Member.