Ka khubor Pulit ba la phah da u Superintendent of Police (SP), ka Ri-Bhoi District la iathuh ba ka tnad Pulit ka dang thwet jur ia ki saw ngut ki runar kiba dang phet rieh haduh mynta khlem da ioh jingtip ia ka jaka ba ki don.
La iathuh ba kine ki saw ngut ki runar ki dei kiba don ia ka case ha Byrnihat Police Station katkum ka Case No.14(06) 2026 (Us 103/131/3 (5) BNS. Kine ki runar ki kynthup ia u Chitro Sangma, 20 snem ka rta, u Nipul Sangma, 20 snem ka rta, u Tobias Marak 21 snem ka rta bad u Chigring Momin 21 snem ka rta, kiba na ka shnong Dahel Bagan, PO&PS- Byrnihat, Ri-Bhoi District, Meghalaya.
Na ka liang ki Pulit ki kyntu ia ki paidbah kino kino kiba iohi ia kine ki runar ba kin pyntip mar mar sha Police Control Room (PCR), Nongpoh lyngba ka Mobile No. 9856084514.
Kine harum ki dei ki dur jong ki saw ngut ki runar ba la phah da ki Pulit ka Ri-Bhoi District.
