Mynta ka sngi ka 29 tarik u bnai july 2026 ka seng JCOMSWA kaba tip kum ka Jaiñtia Coal Owner Miners Suppliers & Workers Association ka la wan ban buh da ka dorkhas ha ka office u Deputy Commisioner ka East Jaiñtia Hills District na ka bynta ban pan jingbit ban pynlong ia ka jingiakhih ba jai jai (peaceful protest) ha phyllaw ka office u DC.
Kane ka jingiakhih ka dei kum shi bynta ban pynkynmaw biang ia ka sorkar ba ka pynslem ha ka jingiadei bad ka kam tih bad khaïi dewiong hapoh ka District, ha kaba ki paidbah ki la shah ktah naduh ba khang ka NGT ia u dewiong ban trei hapoh ka jylla bad khamtam eh hapoh ka East Jaiñtia Hills District.
Ka seng ka la dawa ruh na ka sorkar ban thaw da katta ka ‘small scale mining’ khnang ba ki paidbah kiba kham duna ha ka jingioh jingkot kin lah ban trei biang ia ka kam dewiong. Ka por jong ka jingsdang ban iakhih ka long ha ka 4 tarik u bnai August 2026 naduh ka por 10:00 baje mynstep, ka jaka ban sdang ka long na ka shnong Ladrymbai bad pynkut ha phyllaw office u Deputy Commisioner ka East Jaiñtia Hills District, la khmih lynti ba kumba 400 ngut ki briew na kylleng kin wan sha kane ka jingiakhih kaba jai jai.
