Ban ai jingsumar kaba paka ia ka jingpang bampong ha Northeast India, ka Healthcare Global Enterprises Ltd. (HCG), kawei na ki hospital sumar pang bampong kaba heh tam, mynta ka sngi ka la pynlong ia ka Expert Cancer OPD service ha nongbah Shillong ha ka jingiatreilang bad ka Woodland Hospital, Shillong.
Ia ka press conference la pyniaid da ka Ms. Manisha Kumar, Chief Operating Officer, Karnataka HCG Cancer Hospitals; Dr. Kirthi Koushik A.S., Consultant – Radiation Oncology, HCG Cancer Centre, Bengaluru; bad Dr. K.S. Nataraj, Senior Consultant – BMT Hemato-Oncology & Stem Cell Transplant Physician, HCG Cancer Hospital, Bengaluru. Ki nongkren ki la pynpaw ia ka thong ka HCG ban pynar ia ka rukom ai jingsumar kaba kam paka ia kiba pang cancer bad ban wanrah ia ki nongsumar kiba paka tam ha pyrthei na bynta ki nongpang ha Meghalaya.
Kum shibynta kane ka sienjam, ia ka HCG Expert Cancer OPD yn sa pynlong ha Woodland Hospitals, Shillong, manla ka 15 sngi naduh ka por 9:00 AM haduh 1:00 PM. Kane kan plielad ia ki nongpang ban iakren bad ka kynhun ki doctor ka HCG khlem da donkam leit shuh shabar ka jylla Kane ka jingthmu ka long ban pynsuk ban lap kloi ia ka jingpang, ban phah sumar ha ka por kaba biang, ban thmu ban sumar kyrpang, bad ban iaid beit iaid ryntih ia ka jingsumar ia ka jingpang cancer, kaba pynbha shibun ia ka jinglah ban ioh ia ki jingshakri ba kyrpang na ka bynta ki nongpang ha kylleng ka jylla Meghalaya. ka jingpynkylla ia ki stem cell ha ka jaka ba donkam.
Ka kynhun ka HCG ka la pynsngew ruh ia ka jingjop ha kaba sumar ia kawei ka longkmie 66 snem na Meghalaya kaba la ioh ia ka jingpang Vestibular Schwannoma (Koos Grade III)—kaba jingpang kaba kham niar, ba don u ynja bat hung ha ka jabieng bad pi pat sha ka vestibulocochlear nerve kaba pyniasoh ia ka skhor bad ka jabieng. Katei ka longkmie la jan shisnem, ka la kyllut noh ka shkor ka mon, kam sngewkhlain, bad shitom ban iaid, kaba la ktah jur ia ka jingim jong ka.
Hadien ka jingkhmih bniah ha HCG Cancer Centre, Bengaluru, ka Dr. Kirthi Koushik A.S. bad ka kynhun jongka, ki la sumar ia utei u kynja bat hung da kaba pyndonkam da ka CyberKnife Robotic Radiosurgery System, Stereotactic Body Radiotherapy (SBRT) rngkat ka 6D Skull Tracking technology. Ka jingsumar kaba thikna bha ka la pynlah ban pynpoi ia ka radiation kaba thikna katba ka iada ia ki shyieng jabieng kiba koit ba khiah kiba don sawdong bad ki shyieng kiba kongsan jong ka jabieng. Ka nongpang ka la pyndep ia ka jingsumar khlem kano kano ka jingktah kaba jur bad naduh kata ka por ka la mad ia ka jingbha kaba khraw ha ki dak jingpang jong ka.
Ka Dr. Kirthi Koushik A.S., Senior Consultant – Radiation Oncology, HCG Cancer Centre, Bengaluru, ka la ong, “ka Vestibular Schwannoma ka dei ka jingpang thung kaba kham nar bha bad kaba jwat tam ban sumar ha ki bynta ka jabiang.
Ka CyberKnife ka la ailad ïa ngi ban pynpoi ïa ka jingshai kaba la thmu bha da ka jingthikna kaba rit katba ngi dang ïai bteng ban buddien ïa ka jingïaid jong u nongpang ha ka por ba shisha. Kane ka la pynlah ïa ngi ban sumar bha ïa u tumor, ban pynneh pynsah ïa ki jingtei kiba kongsan kiba don sawdong bad ban ïarap ïa u nongpang ban koit khlem da shah sumar plie.”
Ka nongpang, u la ong, “Haba ka jingsngap jong nga ka la sdang ban duna bad nga la sdang ban duh ia ka jinglong ryntih, nga la khuslai ia kaei kaba ap ha khmat. Nga ainguh ia ka Dr. Kirthi Koushik bad ia ka kynhun HCG baroh kawei kaba la sumar ia nga da kaba sumar bad sngewrit. Mynta ka sngi, nga sngew ba nga kham koit kham khiah, nga kham sngewskhem bad nga sngewnguh ba nga la ioh ia ka jingsumar ha ka por kaba biang.”
Ha ka jingai jingkren, ka Manisha Kumar, Chief Operating Officer, Karnataka HCG Cancer Hospitals, ka la ong, “Katba ki nongpang cancer ki nang kiew, ka jingïoh ïa ki riew shemphang ha ka por kaba biang ka long kaba kongsan bha ban pynbha ïa ka jingmih jong ki nongpang. pynthikna ba kin ioh ia ka jingpeit bniah kloi, ka jingpyniaid jong ki riew shemphang, ka jingthmu ban sumar kyrpang, bad ka jingphah sha ki jaka sumar ba kham shajrong haba donkam Ka jingiatreilang jong ngi bad ki Hospital Woodland ka pyni ia ka jingkular jong ka HCG ban pyniar ia ka jinglah ban ioh ia ki jingshakri ba kyrpang ha ka pyrthei bad ban pynduna ia ka jingdonkam jong ki nongpang ban leit sha ki jaka sumar ba jngai.”
Dr. K.S. Nataraj, Senior Consultant – BMT Hemato-Oncology and Stem Cell Transplant Physician, HCG Cancer Hospital, KR Road, Bengaluru, u la ong ,“Bun ki nongpang kiba don ïa ki jingpang cancer ha ka snam bad kiwei kiwei ki jingpang ba shyrkhei ki duh ïa ka por kaba kordor namar ba ka jingsumar ba kyrpang kam long kaba suk ban ïoh. Lyngba ka Expert Cancer OPD, ngi thmu ban ai ïa ka jingbishar bniah ba kloi jong ki riew shemphang, ban ïalam ïa ki nongpang sha ka jingsumar ba la pynshong nongrim ha ki sakhi bad ban pynthikna ba kito kiba donkam ïa ki jingsumar ba kham shajrong kin shah sumar khlem da pynkylla ïa ki cell.”
Ha katei ka sngi plie pyrda la pyni sa kawei pat ka sienjam ha ka buit treikam jong ka HCG ban wanrah ïa ka jingstad ba tbit ha ka jingpang cancer kham jan sha ki nongpang ha kylleng ka thaiñ shatei lammihngi jong ka ri India katba ka pynthikna ïa ka jingïoh ïa ka jingsumar kaba pura ha ki jaka sumar ba ha khlieh duh jong ka ha kano kano ka por ba donkam.
Shaphang ka HCG Cancer Centre, Bengaluru HCG Cancer Centre, located in Bangalore, has been revolutionising cancer care since its inception and has helped patients achieve longer and better lives. Since its inception in Bangalore, it has grown to become the largest network of Cancer Care Hospitals in India. HCG Cancer Centre Bangalore is equipped with the world’s latest technology for the diagnosis and treatment of all cancers—from high-end nuclear medicine and PET-CT to Genomics for diagnosis, CyberKnife, Adaptive Radiotherapy, Robotic Onco-surgery, Gene Therapy, CAR-T Cell Therapy, coupled with Precision Oncology treatment protocols with a multidisciplinary approach for patient care by experts.
Ka HCG Cancer Centre, kaba don ha Bangalore, ka la pynkylla dur ia ka rukom sumar ia ka jingpang Cancer naduh ba la sdang ia ka bad ka la iarap ia ki nongpang ban ioh ia ka jingim kaba slem bad kaba bha. Naduh ba la sdang ia ka ha Bangalore, ka la nangroi haduh ban da long ka network kaba heh tam jong ki Cancer Care Hospital ha India. Ka HCG Cancer Centre Bangalore ka long kaba la pyndap da ki tiar kiba thymmai tam jong ka pyrthei na ka bynta ban wad bad sumar ïa baroh ki jingpang cancer—naduh ki high-end nuclear medicine bad PET-CT sha ka Genomics, CyberKnife, Adaptive Radiotherapy, Robotic Onco-surgery, Gene Therapy, CAR-T Cell Therapy, ryngkat bad ki rukom sumar ba thikna jong ka Precision Oncology ryngkat bad ka rukom sumar ba bun jait na ka bynta ka jingsumar ïa ki nongpang da ki riew shemphang.
