Mynta ka Sngi ka 1 tarik August, haka kyrwoh bala phah lyngba u President Rangbah ka JNC Sengkmie bah Sambormi Lyngdoh, ula ong ba ka seng ka dap daka jingsngewsih bad sngew iamrem ban pynpaw halor kaei kaba la jia iaki nongialam ka JNC, hadien ba la iohi iaka jingleh donbor, ka jingshah thombor bad pyni bor iaki nongshong shnong ka Elaka Sutnga bad shnongrim ha kato ka 30 tarik ha shwa ka public hearing, da kawei ka mynsiem kata ban leit ai bor ai Mynsiem iaki paradoh para snam ka seng ka la mih ban leit ai Mynsiem iaki hynrei kumba iuh tdongbseiñ ynda la poi ha Umpleng (Cement) ki pulit ki la khang lynti ia ki nongialam ka seng bad ker sawdong ia ngi kumba ki ju leh iaki lehnoh, lane kum kita ki nongpyntriem.
U ma Sambormi u la ong “Ki Pulit kila kem ianga u President ryngkat kiwei ki nongialam bad ki dkhot, kumba 6 ngut, bad ki la bom lah tied lathi ruh iakine ki dkhot jong ngi. Ngi dap da ka jingsngewsih halor ka jingleh ki pulit ki bym kheiñ snep shuh ia ngi ki sengbhalang bad kaba kham sngewsih ka long ba ka sorkar ka hap ban wanrah kyrpang daki pulit napoh Garo hills ban kem iangi ki JNC bad ban Thombor iaki Paidbah ka Elaka Nongkhlieh bad Elaka Sutnga.
Ka ei kaba jia ha Elaka Nongkhlieh ka pynpaw shai iaka jinglong jong kane ka Sorkar Jylla, haka dur jong ka Development kane ka Sorkar ka knieh iaka ja kpoh ki nongshong shnong,ka knieh jubor iaki jaka puta ki nong shong shnong, ka pyn iapait ia pra iaki Shnong bad ki Elaka. Kane ka sorkar kamdon shuh iaka jinglehraiñ ka thombor iaki paitbah lyngba ki pulit bad ki Mafia jong ka haba shit ba rang, kane ka sorkar kamdon shuh iaka jing sngewlem bad ka jing iatiplem, ha kane public hearing jong ka Shree Cement ka sorkar jylla kala pynpaw ba haduh katno ka long Aggressive tang ban ioh kamai spah.
Halor kano ka nongrim ba u Home Minister Bah Prestone Tyngsong, u phah detained iangi haki Pulit tang naka bynta ban thombor iaki paitbah ba thmu wan shaka public hearing khamtam kiba pyrshah, balei phi phah kyrpang iaki Pulit naduh Garo Hills tang ban kem iaki nongialam ka JNC ? Balei ka Sorkar ka phah bom phah tied ia ki ba pyrshah public hearing bad ka ai VIP treatment pat ia kiba kyrshan? mano ba ai bor iaki Mafia ka Shree Cement ban khlong ia u Surok ka PWD haduh bala ktah iaka iaid ka ieng ki paitbah bad khamtam kiba pang ba shitom? mano ba ai bor iaki pulit ban ia treilang bad ki Mafia ka Shree Cement? Mano ba ai bor iaki mafia ka shree Cement ban kawang maw ia kiba wan shaka public hearing haduh ban da jot ki kali motor bad mynsaw ki paitbah??
Ngi tip shai ba dei u CM bad ki 2gut ki Dy CM kiba pynkup bor ia ki Pulit bad ia kine ki Mafia ban thom daka bor iaka hok jong ki paitbah kiba pyrshah iaka shree cement.
Kala paw shai baka Shree Cement kala thied briew haka dor 1000/2000 shikhlieh briew, hato ka sorkar ka don ban ong aiu halor kane??
U paitbah u dei shai iaka jingthmu jong ka NPP kaba ïalam iaka sorkar kane ka party ka kwah tang ban kamai spah napoh Jaiñtia Hills ban pynkhlain iaka party jong ka kam salia shuh wat ban thom daka bor ruh. Ka bor jong u paitbah kalong kaba khlaiñ lada ngi ïatylli peit nuksa na kiwei ki Ri. Ki MLA / MDC na Rilum Jaiñtia kidei tang ki niang kohnguh ka Sorkar bala ïalam daka NPP, ki kheiñ kordor iaka party ka jong ki ban iaka iap ka im ki paitbah bala pynkup bor iaki, kadaw baroh ka long ba ki kheiñ ba ngi ki nong Jaiñtia ngi dei ki briew kiba beij pisa, bad ki ia ong ka mat ia jot ia iap shato haka por election ngin thied iaki daka pisa bad kin sa klet lut ia kine kiei kiei baroh.
Kawei ka khubor kaba shai ki paitbah ki lah ban klet ia kane ka jingshah leh donbor hynrei ka JNC ka nym lah ban klet ia kine ki jingleh donbor ka Sorkar bad ki nongmihkhmat na Jaiñtia, ka JNC kan iai pynkynmaw ia kine ki kam runar jong kiba don ha ka bor. Kynmaw ba ha kawei ka sngi ka hok kansa ïeng daka borbah u Blei ba -im.
Ka sorkar jylla kala iaidlaid iaka Constitution of India bad halor kine kiei kiei baroh ka JNC kansa leh ia kaba donkam ryngkat bad ki paitbah kiba mat ia kane ka jing shah thombor bad ka jing shah iuhroit hala ka jong ka sorkar. Lada ka sorkar jylla kalong Aggressive kum ha Lapangap bad kiwei ki border kumba kalong naka bynta ka shree cement ka Assam kan nym nud shuh ban kyntur sha u pud ka Meghalaya bad ki nongrep kila ioh suk ban rep.
Ka JNC kam lah ban pdiang baka public hearing ka long kaba iaid beit bad ngim pdiang hi ruh ba ngi lah shah rem namar kane ka jingleh ka sorkar kadei tang ka kam runar bad ka kam thombor iaki paitbah kiba duk ba rangli, ba ngi shim ba kane kamdei ka public hearing kane ka dei tang ka Government and Shree Cement private hearing, ka jing shah kadei ka jingkut jong ka jing ialeh hynrei ka JNC ka shim ba kane kadei tang ka jingsdang bad ngi lah ioh i iaki buit treikam jong kane ka Sorkar bad ngin dang ïai ialeh ha baroh ki liang, pynkut ka kyrwoh.