Kum ka dak ban pyndon burom ïa ka sngi ki Nonghikai, mynta ka sngi 5 tarik u Nailur, 2026 ka kynhun trei mon sngewbha ka ‘Sarot I Man’ ka la pynlong da ka Blood Donation Camp ha Jowai Civil Hospital Blood Centre kaba don ha Panaliar, Jowai.
Ha ka jingïalang lyngkot la pynïaid da u Jait dao Sumer, la ïoh ka jingkren na ka Dr I. Khyriem, Medical Officer bad na u Aziz War, dkhot ka SIM.
U ma War ula ong, ba ka jongai snam ka Sarot I Man kadei kawei na ki mat treikam kaba hakhmat duh ka jong ka, ym dei ka jingshongshit ki dkhot, kumba ong mano re mano. Ka long kawei na ki lad ban ïarap ïa kiba donkam kiba ngim tip bad ithuh. Kumta ula khot la wer ïa ki paralok ban ïasnohktilang bad ka Sarot I Man ha kum kine ki prokram jong ka.
Ka Doctor Khyriem kala ong shibun kiba wan ban donate snam hangne, tangba ka ai ïaroh ïa ka Sarot I Man, kum kawei na ki kynhun, ka bym pat ju pep naduh ba ka ladon ha kane ka Blood Centre.
Kala ai Khublei ïa baroh ki dkhot, ha kajuh kapor ka la kyntu ïa ki ban ïai don ka mynsiem ïarap ym tang ha kine kipor hynrei na ka bynta ka lashai lashisngi ruh. Kala ong ruh, haba ai snam ka ïarap ban pynsting ïa ka met ka phad ïa uba ladep ai, ha kajuh ka por kadei ka jingkyrkhu ïa kiba donkam jingïarap.
La pyntip kiba synñiang snam ki dei, u Kyllimot Lhuid, Mariabud Paswet, Heibor u Tre Syngkon, Ram Sumer bad u Sienmitre Sumer. Katba ïa ki kyntien ai khublei la ai da u ma Shape Pasweth.
