Ka long kaei kaei kaba sngewphylla ban tip ba ka jingiohnong jong ka sorkar ka kham bun na ka khajna ba pynmih ia ka phlim kaba la ak halor ki jait dieng ba la tip kum ki Red Sandalwood ban na ka dor ba die ia kitei ki jait dieng. Kane ka jia ha ka jylla Andhra Pradesh (AP).
Ha kane ka jylla dei tang ka sorkar hi kaba lah ban die ia kitei ki jait dieng Red Sandalwood, katba ki riew paidbah ne kino kino ki kynhun kim lah ban leh ia kane. Na ka daw jong ka jingwan lynshop jong ka khlam Covid 19 ka sorkar Andhra kala shem jingeh bha ban pyniaid iew (Auction) shabar ri ia kine ki dieng. Kham mynshwa ka China ka dei ka ri kaba thied kham bun ia kine ki dieng na India.
Ka jinglum jingkheiñ jong ka jylla AP naduh ki snem 1990 ka paw ba ka sorkar kala lah ban die (auction) sha ki iew ka pyrthei haduh 24 sien ia kine ki dieng. Na kine ki iew ka sorkar kala ioh nong Rs.1800 klur tyngka.
Hynrei kaei kaba sngewphylla ka long ba ka jingioh na ki ar tylli ki phlim kiba la ak da u Actor Allu Arjun bad Direct da u Bandreddi Sukumar, kaba la tip kyrteng ka Pushpa (1 & 2) kaba don ar bynta ka la tam ia ka Rs.2000 klur tyngka bad kane ka long tang hapoh ki lai snem.
Ia ka “Pushpa:The Rise” la pyllait paidbah ha u snem 2021, katba ia ka “Pushpa 2 : The Rule” pat dang pyllait ha ka 5 tarik u Nohprah 2024.
Kum ban shu pynkynmaw ba ia ki jait dieng Red Sandalwood la ju pyndonkam ha kaba shna ia ki dawai kynbat bapher bapher (traditional medicinal) bad kiwei de ki jingshna ba remdor.