1st Division: Jop ka Moosalyngkat 5-1 kol ïa ka Mooknor Thadmuthlong

Ka lympung ïalehkai kaba la tip kum ka 12^th Chatister Kharkongor Memorial Trophy jong ka kyrdan 1^st Division Football Tournament 2024,  bala pynïaid da ka West Jaiñtia District Sports Association (WJDSA) Jowai kaba la long mynta ka sngi 18 tarik u Risaw ha madan Kiang Nangbah Stadium, Jowai.

Haba phai sha ka jingïakhun ba nyngkong mynta ka sngi Thohdieng ka kynhun ïalehkai jong ka  Moosalyngkat kala pynliem da 5-1 kol ïa ka Mooknor Thadmuthlong, ïa ki kol na ka Moosalyngkat la thep da u Iakhroo Laloo haka minit ba 8 & 64, u Obram Sumer haka minit ba 17, u Edius L Laloo ha ka minit ba 29 bad u Victory Phawa ha ka minit ba 88. Ïa ka shikol na ka Thadmuthlong la thep da u Phermiki Suchiang haka minit ba 81.