Ka General Meeting ka Kur Phawa Siangshai Papiah Lyngdoh-Phawa kan long haka 28 tarik Rymphang ha ka shnong Ialong, West Jaintia Hills District ha Shlem treikam ne ka head office ka kur kaba don ha shwa ban poi ka Ialong toll gate haba wan na Jowai.
Ha kane ka sngi yn plie pyrda ruh ia kane kane ka Head office ne ïing kur da u ma Wailadmiki Shylla Cabinet minister ka sorkar jylla ha ka por 10:00 baje mynstep, ynda ladep kane ka program plie ïing kur yn sdang pat sa ka General Meeting ka kur, kumta ka ophis jong ka kur ka khot sngewbha iaki para kur ba kin wan khnang sha kane ka sngi sah jingkynmaw ha ka history jong ka kur ba ka kur kala ioh iala ka jong ka shlem treikam ne ophis treikam.
Kan sa don ruh ka jingai khusnam sha kito ki khun ka kur kiba la pass bha ha u ne u snem bala dep bad ruh ym pynkup burom ruh ia ki dhkot ka kur kiba la dap 80 snem.
