Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 11 tarik u Nailur ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Khliehmyntang Ialong kala lah ban pynliem da 1-0 kol ïa ka Lion Sports & Youth Affairs, ïa katei ka shikol na ka Khliehmyntang Ialong la thep da u Damepynbiang Dhar haka minit ba 54.
Katba ha ka jingïakhun kaba ar ka Shangpung Moosyiem kala pynliem da 2-1 kol ïa ka Lumpariat, ïa ki kol na ka Shangpung Moosyiem la thep da u Da o Langbang haka minit ba 30 bad u Treiming Dhar haka minit ba 80. Ïa ka shikol na ka Lumpariat la thep da u Sonowel Kharsati haka minit ba 6.